कपिल शर्मा

फरक फरक अनुभूति गर्ने रहर.. केदार नाथ पौडेल पछिल्लो पुस्ताका चर्चित नाटककार हुन् । उनको पहिलो चर्चित नाटक घेरो र धनिरामको गोरु  मैले नै निर्देशन गर्ने मौका पाएको थिएँ । विशेषगरि नेपाली समाजको जरैसम्म पुगेर नाटक लेख्न सिपालु पौडेलको यो अर्को उदाहरण हो । विशेषत: गण्डक क्षेत्रलाई केन्द्र बनाएर लेखिएको नाटक हो ‘आतुरकाल’ र यसलाई निर्देशन गर्ने जिममा पनि मेरै हातमा परेको छ । यस् लाई कति न्याय गर्न सकें त्यो हजुरहरूले मूल्याङ्कन गर्नुहुने नै छ। नेपाल र नेपाली समाज भित्र भिन्नभिन्न रितिरिवाज, धर्म, संस्कार, संस्कृति, चालचलन र आ-आफ्नै सभ्यताहरू छन् । एउटा मान्छे जन्मेपछि उसले मृत्युवरण गर्ने बेलासम्म अनेकन अप्ठ्यारा परिस्थितिहरूको सामना गर्नुपर्छ । आफ्ना संस्कार, चालचलनले कसरी पिरोल्छ । एउटा सन्तान/एउटा बाबु/एउटी आमाले आफ्नो कर्तव्य निर्वाह गर्नका लागि कयौं त्याग गर्नुपर्छ । समग्र रूपमा भन्नुपर्दा ‘आतुरकाल’ एउटा मान्छेको जीवन चक्र हो ।